Cartafueyos de Belenos (VI)

Nel añu 2005 Carlos Marín Suárez, llicenciáu n’Hestoria y doctorandu n’Arqueoloxía pola Universidá Complutense de Madrid, espublizó un llibru con un títulu bien suxerente que paecía empobináu a cualesquier llector interesáu na cuestión céltica n’Asturies. Tratábase, por embargu, d’una mázcara baxo la  que s’escondía un  ataque ensin xacíu escontra’l celtismu cultural asturianu, en particular, y l’asturianismu, en xeneral. El daquella Presidente de la Fundación Belenos y Direutor del Festival Intercélticu de Lorient / An Oriant, Lisardo Lombardía, encárgase con esti ensayu de desmontar una a una les falsedaes  asoleyaes no que constitúi, ensin dulda, un braeru panfletu. Cierto ye que nun mos presta un res tener que gastar les perres n’asoleyar llibros d’esti tipu, pero a vegaes nun queda más remediu…

Reseña bibliográfica:

LOMBARDÍA, Lisardo (2006): Radiografía d’un panfletu. Sobre’l llibru «Astures y asturianos. Historiografía de la Edad del Hierro en Asturias» de Carlos Marín Suárez. Colección “Cartafueyos de Belenos”, n º 6. Fundación Belenos, Uviéu; 88 pp.