Editáu a comuña por Goxe Producciones y la Fundación Belenos; un volume que recueye les actes del XX Seminariu d’Estudios Asturianos, entamáu los díes 16 y 17  de payares de 2019 en La Puela d’Allande. Poro, inclúi les ponencies que naquel seminariu apurrieron Ignaciu Llope (“El celtismu musical asturianu: un averamientu críticu”); Fonsu Fernández (“¿Dexó buelga’l celtismu na música asturiana?”); Lisardo Lombardía (“Llembrances d’un camín iniciáticu. Notes sobre los comienzos del
folk y l’interceltismu nos años 80 del sieglu XX”); Xune Elipe (“Rock’n gaita: cuando los celtes empuñaron les guitarres eléctriques”) y Dolfu R. Fernández (“La tradición del vigulín n’Asturies”). Y complétase con interesantes aportaciones de Fe Santoveña, Iñaki Santianes, Leticia Baselgas y Rubén Bada y Roberto González-Quevedo. Una referencia bibliográfica, qu’amás cuenta con una antoxana del gaiteru gallegu Carlos Núñez, que se torna en fundamental a la hora de siguir conceptualizando la música celta asturiana.

Reseña bibliográfica:
VVAA (2024): El Celtismu Musical Asturianu. Actes del XX Seminariu d’Estudios Asturianos de la Fundación Belenos. Coord. Ignaciu Llope. Colección “Cartafueyos de Belenos”, n º 10. Fundación Belenos, Uviéu; 245 pp.