Antón Álvarez Sevilla, espertu en races autóctones y miembru fundador de Belenos, ye l’autor d’esta octava entrega de los Cartafueyos, na que fai comparanza ente la castra asturcona y la vieya Shetland –asina como con otres tribes de ponis celtes yá desaniciaes– y apurre una hipótesis novedosa:  l’orixe primixeniu de les castres de poni celta atópase nes montañes y estepes orientales –al sur del mar Caspiu y nos montes d’Elburz– qu’ocupaben pueblos como los escites y los partos, siendo’l so representante vivu n’actualidá’l Pouseki o poni caspián. Esti llibru vien a ser el complementu perfeutu d’otros  dos pertenecientes a esta mesma coleición: los númberos 3 (“Les races autóctones del Principáu d’Asturies”, obra del mesmu Antón) y 7 (“L’Asturcón. Simboloxía y mitu del caballu de los ástures”).

Reseña bibliográfica:
ÁLVAREZ SEVILLA, Antón (2011): El poni celta: l’Asturcón ya’l Shetland. Colección “Cartafueyos de Belenos”, n º 8. Fundación Belenos y Fundación Caja Rural de Asturies, Uviéu; 48 pp.