Les Xornaes Europees d’Arqueoloxía constituyen una iniciativa internacional promovida p’averar a la ciudadanía’l trabayu arqueolóxicu, favorecer el conocimientu del patrimoniu históricu y poner en valor los xacimientos, investigaciones y proyectos que contribuyen a entender les sociedaes del pasáu. Nesti contestu, la conseyería incorpora a la programación una actividá que pon el focu nún de los enclaves arqueolóxicos más relevantes d’Asturies y del noroeste peninsular.
Col títulu El paisaje astronómico del yacimiento de Castro de Coaña-El Castriyón, la esperiencia propón un averamientu distintu al castru, combinando arqueoloxía, paisaxe y astronomía pa descubrir cómo les comunidaes castreñes construyíen la so relación cola redolada. De la man del nuesu compañeru Alfonso Sánchez l’actividá va dexar interpretar el territoriu dende la perspectiva de quien habitaron esti asentamientu, entender el papel que desempeñaben los fenómenos astronómicos na organización de la vida cotidiana, les actividaes productives y los rituales colectivos y va rematar con una observación astronómica al atapecer nel propiu xacimientu cola empresa Naturaller.
La Fundación Belenos tiene como fin el estudio, conservación y difusión de la cultura asturiana en todas sus manifestaciones, especialmente aquellas constitutivas de su corpus tradicional y de su patrimonio cultural céltico, tanto en el ámbito territorial del actual Principado de Asturias como en otros territorios vinculados históricamente
